Astanadaǵy avtosalondardyń biriniń satý jónindegi menedjeri eki kólik ıesin Changan CS55 Plus jáne Toyota Camry avtomobılderin úshinshi tulǵaǵa qaıta resimdeýge kóndirip, satýdan túsken qarajatty ıemdenip ketken, dep habarlaıdy infohub.kz saıty.
Astana prokýratýrasynyń málimetinshe, zardap shekkender kólikterin keıin satý úshin avtosalonǵa tapsyrǵan. Menedjer satyp alýshylardy taýyp qoıǵanyn aıtyp, ıelerin kólikterdi úshinshi tulǵaǵa aýdarýǵa kóndirip, aqshany birneshe kúnnen keıin alatyndaryna sendirgen.
Qaıta resimdeýden keıin er adam aqshany óz qalaýynsha jumsaǵan. Kólik ıelerine keltirilgen jalpy shyǵyn 23 mıllıon teńgeni qurady.
Sot otyrysynda aıyptalýshy kinásin tolyq moıyndap, ókinish bildirdi. Sot ony alaıaqtyq úshin kináli dep tanyp, 3 jyl 4 aıǵa bas bostandyǵynan aıyrý jazasyn kesti. Sondaı-aq zardap shekkenderdiń materıaldyq shyǵyndy óteý týraly azamattyq talaptary qanaǵattandyryldy. Úkim zańdy kúshine endi.
Prokýratýra múliktik qylmystar múlikti tárkileı otyryp, 7 jylǵa deıin bas bostandyǵynan aıyrý jazasyna ákep soǵýy múmkin ekenin eske saldy.