Qazaqstan men Taıland astanalary arasynda tikeleı áýe qatynasy jeltoqsanda ashylady — Astanadan Bangkokqa reısterdi Air Astana áýekompanıasy oryndaı bastaıdy, dep habarlaıdy infohub.kz saıty.
Qazaqstan Kólik mınıstrliginiń málimetinshe, Astana — Bangkok baǵyty boıynsha ushýlar 2026 jylǵy 11 jeltoqsannan bastalady. Olar aptasyna eki ret Airbus A321LR ushaqtarymen oryndalady.
Buǵan deıin Qazaqstannan Taılandqa tek Almaty men Shymkentten ǵana jetýge bolatyn. Endi osy qalalarǵa respýblıka astanasy da qosylady.
Jańa áýe baǵyty iske qosylǵan soń Qazaqstan men Taıland arasyndaǵy reısterdiń jalpy sany tórt baǵyt boıynsha aptasyna 20-ǵa jetedi. Qazir Taılandqa myna baǵyttar boıynsha ushýlar oryndalady: Almaty — Phýket, 7 reıs (Air Astana); Almaty — Bangkok, 9 reıs (Air Astana — 6, Thai AirAsiaX — 3); Shymkent — Bangkok, 2 reıs (SCAT).
«Eki memleket astanasy arasyndaǵy jańa baǵyt týrısik jáne iskerlik saparlar múmkindikterin keńeıtip, Qazaqstan men Taıland arasyndaǵy baılanysty odan ári nyǵaıtýǵa yqpal etedi», — dep senedi Kólik mınıstrliginde.