Astanadaǵy túngi klýbtardyń birinde polıseıler kúshti áser etetin zattardyń satylýyn toqtatty. Barda satýǵa daıyn «sharlar» tabyldy, dep habarlaıdy infohub.kz.
Astana polısıa departamentiniń Instagram-paraqshasynda jarıalanǵan aqparatqa sáıkes, elordanyń oıyn-saýyq mekemelerine júrgizilgen reıd kezinde polıseıler esirtkige jatpaıtyn kúshti áser etetin zattardyń zańsyz aınalymyn anyqtady.
«Túngi mekemelerdiń birinde «sharlar» dep atalatyn zattar tikeleı barda satylǵan. Olardy tutyný úshin qonaqtarǵa arnaıy bólme bólingen», — delingen habarlamada.
Tekserý kezinde polısıa qyzmetkerleri úsh balondy jáne satýǵa daıyn «sharlardy» tárkiledi. Olardy satýǵa mekemeniń 22 jastaǵy ákimshisi qatysy bar ekeni anyqtaldy.
«Osy fakti boıynsha qylmystyq is qozǵalyp, oqıǵanyń barlyq mán-jaıy anyqtalýda», — dep qosty polısıada. Polısıa kúshti áser etetin zattardyń zańsyz aınalymy úshin qylmystyq jaýapkershilik bar ekenin eske saldy.
«Sanany ózgertetin kez kelgen zat psıhıka men densaýlyqqa eleýli qaýip tóndiredi. Barlyq anyqtalǵan buzýshylyqtar qoldanystaǵy zańnama aıasynda qatań túrde jolyn kesiledi», — dep eskertti vedomstvo.