«Astana» basketbol klýby qarjylandyrýdyń qysqarýyna tap bolýy múmkin. Komanda tóńiregindegi jaǵdaıǵa Qazaqstannyń Týrızm jáne sport mınıstrliginde túsinikteme berdi... dep habarlaıdy infohub.kz saıty.
Sport jáne dene shynyqtyrýdy damytý isteri komıtetinde sońǵy jyldary «Astananyń» nátıjeleri qoıylǵan mindetterge sáıkes kelmegenin atap ótti. Ásirese, VTB Biryńǵaı lıgasynyń ótken maýsymy sátsiz boldy: komanda 44 oıynda nebári eki jeńiske jetip, sońǵy, 12-oryndy ıelendi.
Jeńilis paıyzy 95%-dan asty — bul klýbtyń lıgadaǵy óner kórsetý tarıhyndaǵy eń nashar kórsetkish. Sonymen qatar, segiz jyl boıy «Astana» týrnırdiń pleı-offyna óte almady.
Komanda ishki arenada da tabysqa jete almady: Qazaqstan Kýbogy úshin kúreste jeńilip, Ulttyq lıganyń chempıondyq ataǵyn ıelene almady.
Sport mınıstrliginde byltyr sportty qarjylandyrý tıimdiligin arttyrýǵa baǵyttalǵan zań qabyldanǵanyn eske saldy. Negizgi basymdyqtardyń qatarynda — ulttyq quramalardy damytý, sport rezervin daıyndaý jáne búdjet esebinen legıonerlerdi qarjylandyrýdan bas tartý.
«Qalyptasqan jaǵdaıda otandyq basketboldy damytý tásilderin qaıta qaraý múmkindigi qarastyrylýda. Basymdyq jastar komandasyn damytýǵa, sport rezervin daıyndaýǵa jáne balalar-jasóspirimder sportyn qoldaýǵa beriletin bolady», — dep málimdedi vedomstvoda.
Qazaqstannyń Ulttyq basketbol federasıasynda «Astana» BK qarjylandyrýdy qysqartý týraly sheshimmen tanysqanyn jáne jas qazaqstandyq oıynshylardy damytý baǵytyn qoldaıtynyn málimdedi.
Federasıada Sport mınıstrligimen, klýbpen jáne basqa da múddeli taraptarmen yntymaqtasýǵa daıyn ekendikterin atap ótti.
«Ortaq maqsat — qazaqstandyq basketboldyń básekege qabilettiligin saqtaý, jas talanttardyń odan ári damýyna jaǵdaı jasaý jáne eldiń halyqaralyq arenada laıyqty ókildigin qamtamasyz etetin tıimdi sheshimderdi tabý», — delingen federasıanyń málimdemesinde.
Osy jyldyń mamyr aıynda «Kýrsıv» basketbol «Astanasynyń» Beırýttaǵy Batys Azıa sýperlıgasynyń (WASL) barlyq machtarynda jeńilgenin jazǵan bolatyn. Osy aıada elordalyq klýb basshylyǵy komandanyń VTB Biryńǵaı lıgasynyń kelesi maýsymyn ótkizip jiberetinin habarlady.