Astananyń Baıqońyr aýdanyndaǵy bazarlardyń birinde tandyr samsasyn daıyndaıtyn jerde jarylys boldy. Oqıǵa saldarynan tórt adam, sonyń ishinde bir bala, zardap shekti. Bul týraly infohub.kz habarlaıdy.
Tótenshe jaǵdaı Jıenqulova kóshesindegi eki qabatty ǵımarattyń birinshi qabatynda boldy. TJM málimetinshe, gaz-aýa qospasynyń jarylysy bolǵan. Soqqy tolqynynan tóbe jabyny men esik oıyǵy ishinara opyrylyp tústi. Aldyn ala boljam boıynsha, sebep — kólemi 50 lıtr bolatyn kompozıtti gaz balonynyń germetıkalyǵynyń buzylýy.
Elordalyq qoǵamdyq densaýlyq saqtaý basqarmasynyń habarlaýynsha, eki eresek adam №1 kópsalaly qalalyq aýrýhanaǵa jatqyzyldy, bir bala №2 kópsalaly qalalyq balalar aýrýhanasyna jetkizildi, al taǵy bir zardap shekken adam tekserýden keıin ambýlatorıalyq emdeýge jiberildi. Oqıǵa ornynda TJM bólimsheleri men jedel qyzmetter jumys istep jatyr. Jarylystyń naqty mán-jaıy men sebepteri anyqtalýda.