Elorda shetinde abattandyrý erejeleri buzyldy: Howo markaly avtobetonosmesıtel júrgizýshisi beton qospasynyń qaldyǵyn sý qorǵaý aımaǵynyń dál ózinde jýyp, ortaq paıdalanylatyn aýmaqty lastady. Bul týraly infohub.kz saıty habarlaıdy.
Oqıǵa beınejazbaǵa túsip qalǵan. NUR.KZ-tiń Astana qalalyq polısıa departamentine silteme jasap habarlaýynsha, bul derek boıynsha júrgizýshige zańda kózdelgen sharalar qoldanyldy — ol Qazaqstan Respýblıkasynyń Ákimshilik quqyq buzýshylyq týraly kodeksiniń 505-babynyń 1-bóligi boıynsha ákimshilik jaýapkershilikke tartyldy.
«Howo markaly avtobetonosmesıtel júrgizýshisi beton qospasynyń qaldyǵyn sý qorǵaý aımaǵynyń dál ózinde jýyp, ortaq paıdalanylatyn aýmaqty lastady jáne belgilengen abattandyrý erejelerin buzdy. Bul derek boıynsha júrgizýshige zańda kózdelgen sharalar qoldanyldy. Ol Qazaqstan Respýblıkasynyń Ákimshilik quqyq buzýshylyq týraly kodeksiniń 505-babynyń 1-bóligi boıynsha ákimshilik jaýapkershilikke tartyldy», — delingen habarlamada.
Elordalyq polısıa ortaq paıdalanylatyn aýmaqtardyń, sonyń ishinde sý qorǵaý aımaqtarynyń qurylys qaldyqtaryn úıýge, qoqys tastaýǵa nemese qurylys tehnıkasyn jýýǵa arnalmaǵanyn eske saldy.
«Mundaı buzýshylyqtar qorshaǵan ortaǵa zıan keltirip, qalanyń sanıtarlyq jaǵdaıyna tikeleı áser etedi. Osyǵan baılanysty reıdtik sharalar jalǵasady», — dep qosty polısıa departamentinde.
Aǵymdaǵy jyldyń basynan beri ortaq paıdalanylatyn oryndardy lastaǵany jáne abattandyrý erejelerin buzǵany úshin 34 myńnan astam quqyq buzýshy ákimshilik jaýapkershilikke tartylǵany atap ótildi.