Astanada 21 jastaǵy BMW kóliginiń júrgizýshisi qala jolynda qaýipti drıft jasaǵany úshin birden úsh ákimshilik bap boıynsha jaýapkershilikke tartyldy, dep habarlaıdy infohub.kz saıty.
İshki ister mınıstrliginiń medıaportalynyń málimetinshe, buzýshy Qabanbaı batyr dańǵyly men Saraıshyq kóshesiniń qıylysynda anyqtalǵan. Jas jigit BMW rólinde dál sol jerde qaýipti mánevrlerdi ádeıi jasaǵan.
«Polısıa qyzmetkerleri jol qozǵalysy erejelerin buzyp, qaýipti mánevrlerdi ádeıi jasaǵan BMW kóliginiń júrgizýshisin toqtatty. Júrgizýshi kólik quraldaryn paıdalaný erejelerin buzyp, basqa jol qatysýshylaryna qaýip tóndiretin áreketter jasady», — dedi polısıa departamentinde.
Vedomstvonyń dereginshe, júrgizýshige qatysty birneshe ákimshilik quqyqbuzýshylyq boıynsha sharalar qoldanyldy. Ol qaýipti mánevr jasaǵany, kólik quraldaryn paıdalaný erejelerin buzǵany jáne usaq buzaqylyq jasaǵany úshin jaýapkershilikke tartyldy.
Buǵan deıin Qostanaıda 2026 jyly jol qozǵalysy erejelerin 16 ret buzǵan júrgizýshiniń qamaýǵa alynǵany habarlanǵan. Ol júris bóliginde drıft jasaǵany úshin qamaýǵa jiberilgen.