Qazaqstan astanasynda dekrettik demalystaǵy 35 jastaǵy áıel 27 jastaǵy tanysymen birge esirtki saqtaý jáne oraýǵa qatysy bar dep kúdiktelýde. Polısıa málimetinshe, olar osy maqsatta jeke páter jaldaǵan, dep habarlaıdy infohub.kz saıty.
Ustaý kezinde áıelder páterden kýrerlerge tapsyrýǵa daıyndalǵan oralǵan zattardy alyp shyǵyp bara jatqan. Bireýiniń sómkesinen marıhýana, gashısh maıy jáne kannabıs shaıyry salynǵan plasık probırkalar men paketter tabyldy.
Páterdi tintý kezinde polıseıler 400 gramnan astam marıhýana, gashısh maıy men kannabıs shaıyry salynǵan qutylar men probırkalardy, sondaı-aq osyǵan uqsas zattary bar basqa da ydystar men paketterdi tárkiledi. Tárkilengen zattardyń jalpy salmaǵy shamamen eki kelini qurady.
Tergeý nusqasy boıynsha, jaldamaly páter esirtkini odan ári taratý aldynda saqtaý jáne oraý úshin qoıma retinde paıdalanylǵan. Esirtkini top bolyp saqtaý jáne ótkizý faktisi boıynsha qylmystyq is qozǵaldy. Eki kúdikti de ustaldy, qazirgi ýaqytta sqemanyń basqa yqtımal qatysýshylary anyqtalýda.