Elordada tótenshe oqıǵa boldy: fýtbol alańynda jattyǵý kezinde kámeletke tolmaǵan sportshynyń ústine qaqpa qulady. Oqıǵa keshe boldy, zardap shekken bala dereý aýrýhanaǵa jetkizilip, qajetti kómek kórsetilýde, dep habarlaıdy infohub.kz.
Qazaqstan fýtbol federasıasy (QFF) resmı málimdeme jasap, bul oqıǵaǵa baılanysty qatty alańdaýshylyq bildirdi. Federasıanyń saıtynda jarıalanǵan mátinde tragedıa jeke fýtbol mektebi jattyǵý ótkizý úshin jaldaǵan alańda bolǵany aıtylǵan.
«Aldyn ala aqparat boıynsha, jattyǵý kezinde balanyń ústine fýtbol qaqpasy qulady. Zardap shekken adam medısınalyq mekemege jetkizilip, qajetti medısınalyq kómek kórsetilýde», — delingen QFF málimdemesinde.
Federasıa bala men onyń otbasyna qıyn sátte tolyq qoldaý kórsetetinin jetkizdi. Sonymen qatar, QFF nysan men jabdyqtyń tehnıkalyq jaǵdaıyna ishki tekserý bastap, oqıǵanyń barlyq mán-jaıyn anyqtap jatyr. Federasıa ókilderi oqıǵanyń sebepterin anyqtaýda quzyrly organdarǵa tolyq járdemdesýge daıyn ekenin atap ótti.
«Qazirgi ýaqytta QFF oqıǵanyń barlyq mán-jaıyn anyqtap, nysan men jabdyqtyń tehnıkalyq jaǵdaıyna ishki tekserý júrgizýde. Federasıa sondaı-aq barlyq qajetti aqparatty usynýǵa jáne oqıǵanyń mán-jaıyn anyqtaýda quzyrly organdarǵa járdemdesýge daıyn», — dep qosty baspasóz qyzmeti.