Astanada Baıqońyr aýdanyndaǵy bazarda, Sh. Jıenqulova kóshesinde ornalasqan tandyrhanada gaz jarylysy boldy. Saldarynan úsh adam zardap shekti, dep habarlaıdy infohub.kz.
Aldyn ala málimetter boıynsha, jarylys kólemi 50 lıtr bolatyn kompozıttik gaz balonynyń búlinýinen bolǵan.
«Qutqarýshylar úsh zardap shekken adamdy tapty. Olardyń barlyǵy qajetti kómek kórsetý úshin medısınalyq mekemege jetkizildi. Jarylystan keıin tóbe jabyny men esik oıyǵynyń bir bóligi qulady», — dep habarlady Tótenshe jaǵdaılar mınıstrliginiń baspasóz qyzmeti.
Vedomstvo mamandary oqıǵanyń mán-jaıy men sebepterin anyqtap jatyr.