Astanada beınebaqylaý júıesi halyqaralyq izdeýde júrgen 24 jastaǵy er adamdy tanydy. Polısıa qyzmetkerleri alynǵan derekterdi tekserip, ony ustady, dep habarlaıdy infohub.kz saıty.
İshki ister mınıstrliginiń vedimistik saıtynda habarlanǵandaı, sıfrlyq beınebaqylaý júıesi quqyq qorǵaýshylarǵa izdeýdegi adamdy tabýǵa kómektesti. Tehnologıa bet-álpetti taný jáne azamattardy izdeý úshin qoldanylady.
«Júıe sýretterdi aqparattyq bazalardaǵy derektermen avtomatty túrde salystyrady. İzdeý tek fotosýret boıynsha ǵana emes, syrtqy belgileri — jynysy, jasy, saqaly, kózildirigi, maskasy nemese bas kıimi boıynsha da júrgiziledi. Sonymen qatar, tehnologıa tanylǵan adamnyń qozǵalys baǵytyn beınebaqylaý kameralary arqyly baqylaýǵa múmkindik beredi», — delingen habarlamada.
Sıfrlyq sheshimniń tıimdiligi naqty nátıjelermen rastalady. «Máselen, beınebaqylaý barysynda júıe urlyq jasady degen kúdikpen halyqaralyq izdeýde júrgen 24 jastaǵy er adamdy tanydy. Aqparatty polısıa qyzmetkerleri teksergennen keıin er adam ustaldy. Polısıa zamanaýı beınebaqylaý júıelerin engizý qoǵamdyq qaýipsizdikti nyǵaıtýǵa, izdeýdegi adamdardy ýaqtyly anyqtaýǵa jáne quqyq qorǵaý organdarynyń jumysynyń tıimdiligin arttyrýǵa baǵyttalǵanyn atap ótedi», — dep qosty polısıa.