Astana — Qaraǵandy — Almaty respýblıkalyq mańyzdaǵy tasjolynda jasandy ıntellekt elementteri bar kameralar jol-kólik oqıǵasynyń sátin túsirip aldy. Apattyq belgi jaǵylmaı turyp qalǵan kólik qaıǵyly jaǵdaıǵa ákep soqtyra jazdady, dep habarlaıdy infohub.kz saıty.
«QazAvtoJol» ulttyq kompanıasynyń resmı Telegram-arnasynda habarlanǵandaı, JI-kameralar Astana — Qaraǵandy — Almaty respýblıkalyq mańyzdaǵy tasjolyndaǵy JKO sátin tirkedi.
Kadrlarda júk kóliginiń tómen jyldamdyqpen qozǵalyp, keıin júris bóliginde toqtaǵany kórinedi. Alaıda apattyq jaryq sıgnalızasıasy qosylmaǵan. Artynan kele jatqan jeńil kólik júk kóligimen qaqtyǵysty.
Soqqydan jeńil kólik júris bóliginen shetke shyǵyp, aýdarylyp tústi. Oqıǵanyń mán-jaıyn quzyrly organdar anyqtap jatyr.
«QazAvtoJolda» eske salǵandaı, májbúrli toqtaǵan kezde dereý apattyq sıgnalızasıany qosyp, jol qozǵalysy erejeleriniń talaptaryna sáıkes apattyq toqtaý belgisin ornatý qajet. Sondaı-aq júrgizýshiler qaýipsiz qashyqtyqty saqtap, aldaǵy jaǵdaıdy únemi baqylap otyrýy tıis.
Eske salaıyq, buǵan deıin JI-kameralar Astana — Temirtaý tasjolyndaǵy apattardy túsirgen bolatyn.