Qazaqstan astanasynda 1 qazannan bastap kezekshi halyqqa qyzmet kórsetý ortalyqtarynyń tizimi ózgeredi: eki HQO kezekshi bolady, al taǵy ekeýi ádettegi kestege oralady, dep habarlaıdy infohub.kz saıty.
NUR.KZ-tiń «Azamattarǵa arnalǵan úkimet» memlekettik korporasıasynyń elordalyq fılıalyna silteme jasap habarlaýynsha, 1 qazannan bastap Máńgilik El dańǵyly, 30 mekenjaıynda ornalasqan «Esil» aýdanynyń №1 HQO-sy men Kereı, Jánibek handar kóshesi, 4 mekenjaıyndaǵy «Nura» aýdanynyń HQO-sy kezekshi bolady.
Sonymen qatar Ermek Serkibaev kóshesi, 13 mekenjaıyndaǵy Saryarqa aýdanynyń №1 HQO-sy men Imanov kóshesi, 20 mekenjaıyndaǵy Baıqońyr aýdanynyń HQO-sy ádettegi jumys kestesine kóshedi: jumys kúnderi saǵat 09:00-den 18:00-ge deıin, senbi men jeksenbi — demalys kúnderi. Bul týraly memlekettik korporasıa fılıalynyń habarlamasynda aıtylǵan.
Eske salaıyq, kezekshi HQO-lar azamattardy dúısenbiden jumaǵa deıin saǵat 09:00-den 20:00-ge deıin túski úzilissiz, al senbide saǵat 09:00-den 13:00-ge deıin qabyldaıdy.
Kezekshi arnaıy HQO-lardyń mekenjaılary ózgerissiz qalady. Jumys kúnderi olar ótinishterdi saǵat 09:00-den 18:00-ge deıin qabyldaıdy, daıyn qujattar saǵat 20:00-ge deıin beriledi. Senbide ótinishter saǵat 09:00-den 12:00-ge deıin qabyldanyp, daıyn qujattar saǵat 13:00-ge deıin beriledi.