Qazaqstan astanasynda respýblıkalyq jedel-profılaktıkalyq is-shara «Quqyqtyq tártip» aıasynda polısıa qyzmetkerleri 500-den astam quqyq buzýshylyqty anyqtady. Olardyń ishinde eń kóp taraǵandary — kóshi-qon zańnamasyn, jol júrý erejelerin, qoǵamdyq tártip pen abattandyrýdy buzý, sondaı-aq ortaq paıdalaný oryndaryn lastaý, dep habarlaıdy infohub.kz saıty.
İİM vedimistik saıtynyń habarlaýynsha, Astanada qoǵamdyq qaýipsizdikti qamtamasyz etý, quqyq buzýshylyqtardyń aldyn alý jáne jolyn kesý maqsatynda jedel-profılaktıkalyq is-shara jalǵasýda. Kúsheıtilgen rejım kezinde polıseıler tirkeýsiz nemese jeke basyn kýálandyratyn qujattarsyz turatyn 200-den astam adamdy anyqtady. 80-nen astam adam qoǵamdyq oryndarda mas kúıinde bolǵan. Shamamen 60 fakt — kámeletke tolmaǵandardyń túngi ýaqytta zańdy ókilderinsiz turǵyn úıden tys jerde bolýyna baılanysty. Sonymen qatar, jaıaý júrginshilerge basymdyq bermeýge qatysty 50-ge jýyq buzýshylyq anyqtaldy.
Аlkogól ónimin satý salasyndaǵy zańnama talaptarynyń saqtalýyna erekshe nazar aýdaryldy. Jeti buzýshylyq tirkeldi. Saryarqa aýdanynda polıseıler azyq-túlik dúkenderiniń birinde 21 jasqa tolmaǵan adamǵa аlkogól satý faktisin jolyn kesti. Saýda nysanynyń ıesine qatysty ákimshilik hattama jasaldy.
Eske salaıyq, buǵan deıin Astana polısıasynyń qoǵamdyq tártipti saqtaý, quqyq buzýshylyqtardyń aldyn alý jáne jolyn kesý úshin kúsheıtilgen qyzmet rejımine kóshkeni habarlanǵan bolatyn.