Aqmola oblysynda jarym kelige jýyq altyn, tórt tonna kentas jáne alty keli synap tárkilengen jasyryn altyn óńdeý sehi joıyldy, dep habarlaıdy infohub.kz.
Aqmola oblysy prokýratýrasynyń qoldaýymen Qarjy monıtorıńi agenttiginiń (QMA) qyzmetkerleri Shortandy aýdanynda qymbat metaldardy zańsyz óndirýmen aınalysqan bir top adamdy qamaýǵa aldy. Operasıa barysynda kentasty usaqtaý jáne balqytý jabdyqtary, salmaǵy 446 gram altyn quımasy, 4 tonna altyn quramdy materıal, 6 kg synap, sondaı-aq 2 mln teńgeden astam jáne 8 myń AQSh dollary kólemindegi aqsha qarajaty tárkilendi. Budan basqa, atys qarýy men oq-dáriler tabyldy.
Qazirgi tańda quqyqqa qaıshy áreketke qatysy barlardyń bári anyqtalyp, zańsyz óndirilgen qymbat metaldardyń kólemi eseptelýde. Uıymdastyrýshy qamaýǵa alynyp, tergeý jalǵasýda. QMA mamandary Qazaqstan Respýblıkasy QPK-niń 201-babyna sáıkes basqa aqparat jarıa etilmeıtinin málimdedi.