Astanada polıseıler quny shamamen 4 mln teńge turatyn Mercedes-Benz 200E kóligin zańsyz ıemdendi degen kúdikke ilingen 35 jastaǵy er adamdy anyqtap, ustady, dep habarlaıdy infohub.kz saıty.
İshki ister mınıstrliginiń vedimistik saıty habarlaǵandaı, aldyn ala derekterge qaraǵanda, er adam uıymǵa júginip, kólikti uzaq merzimge jalǵa alǵan. Biraz ýaqyt kólikti paıdalanǵan ol qaıtarý merzimi kelgen soń kompanıa ókilderimen baılanysýdy toqtatqan.
«Aldyn ala derekterge qaraǵanda, er adam uıymǵa júginip, kólikti uzaq merzimge jalǵa alǵan. Biraz ýaqyt kólikti paıdalanǵan ol qaıtarý merzimi kelgen soń kompanıa ókilderimen baılanysýdy toqtatqan», — dedi polısıada.
Jedel-izdestirý is-sharalary barysynda polıseıler jalǵa alynǵan kóliktiń satylǵanyn anyqtady. Kúdikti turǵylyqty jerinde ustaldy.
Qazirgi tańda er adam ýaqytsha ustaý ızolátoryna qamaldy. Osy fakti boıynsha sotqa deıingi tergeý júrgizilip, bolǵan oqıǵanyń barlyq mán-jaıy anyqtalýda.
«Múlikti jalǵa berý kezinde qujattar men sharttardy muqıat tekserý qajet, al kúdikti jaǵdaılar týyndasa, der kezinde polısıaǵa habarlasý kerek», — dep eske saldy İİM azamattar men uıym ókilderine.