Astanada túngi saǵat 03:30-da monshada qatty mýzyka qosyp, karaoke aıtqan 37 jastaǵy áıelge polısıa aıyppul saldy. Onyń shýly tártibine jergilikti turǵyndar shaǵymdanǵan, dep habarlaıdy infohub.kz saıty.
NUR.KZ-tiń Polisia.kz-ke silteme jasap habarlaýynsha, İshki ister mınıstrliginiń medıaportalynyń dereginshe, túngi 03:30 shamasynda Astanadaǵy Lepsy kóshesinde ornalasqan monshalardyń birinde tynyshtyqty buzý týraly habarlama túsken.
Polısıa qyzmetkerleri oqıǵa ornyna kelip, jaǵdaıdy anyqtady. Málim bolǵandaı, ǵımaratta qatty mýzyka qosylyp, shý men daýystar estilgen. Sonymen qatar kelýshiler karaoke aıtqan.
Osy fakti boıynsha 37 jastaǵy azamatshaǵa qatysty ákimshilik quqyq buzýshylyq týraly hattama toltyryldy.
«Polısıa azamattardy túngi ýaqytta tynyshtyq saqtaýǵa, aınaladaǵy turǵyndardyń zańdy múddeleri men demalys quqyǵyn qurmetteýge shaqyrady. Oıyn-saýyq oryndarynda demalǵan kezde de belgilengen talaptardy saqtaý mańyzdy. Qatty mýzyka, aıqaı, shý men karaoke jaqyn mańdaǵy úı turǵyndarynyń demalysyna kedergi keltirmeýi tıis», — dedi qalalyq polısıa departamentinde.