2026 jyldyń birinshi jartyjyldyǵynda Qazaqstan astanasynyń turǵyny orta eseppen 1,3 myń dollar jalaqy aldy, al Máskeýde jumys isteıtinderdiń ortasha tabysy 2,6 myń dollar boldy. Bul derekterdi Eýrazıalyq ekonomıkalyq komısıa (EEK) usyndy, dep habarlaıdy infohub.kz saıty.
EEK-tiń 2026 jylǵy maýsymdaǵy málimetinshe, Eýrazıalyq odaq elderi arasynda astana turǵyndarynyń jalaqysy eń joǵary — reseılikterde. Máskeýlikter aıyna orta eseppen 197 myń rúbl alady, bul valútamen eseptegende 2,58 myń dollar.
EAEO elderi arasynda ekinshi orynda — Mınsk turǵyndary. Belarýs astanasynda ortasha nomınaldy jalaqy 3,9 myń jergilikti rúbl, ıaǵnı 1,36 myń dollar boldy.
Astanada EEK derekteri boıynsha birinshi jartyjyldyqta ortasha jalaqy 631,5 myń teńge, nemese 1,3 myń dollardy qurady. Osylaısha, Astana turǵyndarynyń jalaqysy Máskeýdegilerden eki ese tómen bolyp, dollarǵa shaqqanda Mınskide jumys isteıtinderden sál kem tústi.
Odaq elderi astanalarynyń ishinde eń tómen jalaqy — Bishkek pen Erevanda. Bishkek turǵyny orta eseppen 756 dollar, al Erevan turǵyny 953 dollar alady.
Aıta keteıik, Qazaqstandaǵy halyq depozıtteri Reseıdegiden 18 ese az.