Astanada qatty nóser saldarynan joldardaǵy kólikter sýǵa tolyp, qutqarýshylar olardy shyǵarýǵa kómektesýde. Bul týraly infohub.kz saıty habarlaıdy.
Tótenshe jaǵdaılar mınıstrliginiń baspasóz qyzmetiniń málimetinshe, qatty nóserden keıin vedomstvo bólimsheleri qalalyq qyzmettermen birlesip, elordanyń jekelegen ýchaskelerinde jumys isteýde. Qutqarýshylar azamattarǵa qajetti kómek kórsetip, sý basqan jol ýchaskelerinen kólikterdi shyǵarýǵa kómektesip, sondaı-aq kólikterdiń qaýipsiz júrýin qamtamasyz etýde.
Elorda turǵyndary men qonaqtaryna qaýipsizdik sharalaryn saqtaý, óte qajet bolmasa sý basqan jol ýchaskelerine shyqpaý jáne resmı aqparatty qadaǵalaý usynylady. Buǵan deıin Astanaǵa qatty nóser jaýyp, qalanyń komýnaldyq qyzmetteri kúsheıtilgen rejımge kóshirilgeni habarlanǵan bolatyn. Ákimdik shaǵyn sý basýlar bolýy múmkin ekenin eskertken.