Qazaqstan astanasynda qarjy pıramıdasyn quryp, alaıaqtyq jasaǵan uıymdasqan qylmystyq top múshelerine qatysty sot prosesi aıaqtaldy. Qylmystyq sqemanyń qurbany bolǵan 100-den astam azamat bar, dep habarlaıdy infohub.kz.
Tergeý barysynda anyqtalǵandaı, top quramyna onnan astam adam kirgen, olardyń árqaısysy belgili bir róldi atqarǵan. Qylmyskerler azamattardy avtokredıt rásimdeýge kóndirip, 1-2 mıllıon teńge kóleminde syıaqy jáne qaryzdy tolyq óteýdi ýáde etken.
«Top músheleri azamattardy 1-2 mln teńge kóleminde aqshalaı syıaqy tóleý syltaýymen avtokredıt rásimdeýge kóndirip, nesıe mindettemelerin ózderi óteıtinin ýáde etken. Alynǵan kólikter zańsyz satylyp, onyń ishinde Qazaqstan Respýblıkasynyń sheginen tys jerlerge shyǵarylǵan», — dep habarlady prokýratýra.
İs materıaldary boıynsha, 100-den astam adam zardap shekken dep tanylǵan. Barlyǵy alaıaqtyq sqema arqyly 165 avtokólik rásimdelgen.
Sot aıyptalýshylardy uıymdasqan qylmystyq top qurý jáne ony basqarý, qarjy pıramıdasyn qurý jáne ony basqarý, sondaı-aq alaıaqtyq jasaǵany úshin kináli dep tanydy. Olarǵa bes jyldan segiz jylǵa deıingi merzimge bas bostandyǵynan aıyrý jazasy taǵaıyndaldy.
Zardap shekkenderdiń azamattyq talaptary qanaǵattandyryldy. Úkim áli zańdy kúshine engen joq.
Buǵan deıin «Kýrsıv» UQK Astana qalasy PD kóshi-qon qyzmeti basqarmasy bastyǵynyń orynbasary Álıa Makaevanyń ustalǵany týraly aqparat taraǵannan keıin sotqa deıingi tergeý júrgizilip jatqanyn rastaǵanyn habarlaǵan. Áleýmettik jelilerde taraǵan málimetterge sáıkes, ol uıymdasqan qylmystyq topqa qatysy bar jáne zańsyz kóshi-qondy uıymdastyrdy degen kúdikke ilingen. Arnaıy qyzmette istiń mán-jaıyn QR QPK-niń 201-babyna silteme jasap, ashpaǵan.