Astanada Qyran turǵyn úı kesheninde birdeı páterlerdi birneshe ret satý boıynsha qylmystyq isti tergeý aıaqtaldy. Qurylys kompanıasynyń basshylyǵy eki jyl boıy bir nysandardy ártúrli satyp alýshylarǵa satyp kelgen. Jalpy shyǵyn 4,5 mlrd teńgeden asqanyn infohub.kz habarlaıdy.
İs boıynsha 51 jeke tulǵa jáne bir zańdy tulǵa zardap shegýshi dep tanyldy. Tórt aıyptalýshy qamaýda, materıaldar Astananyń qylmystyq ister jónindegi aýdanaralyq sotyna jiberildi.
Zardap shekken otbasylardyń biri 2024 jyly páter satyp aldy. Mámileden keıin turǵyn úı eGov arqyly tirkeldi, anyqtamada eshqandaı aýyrtpalyq joq kórsetildi. Biraq 2025 jyldyń kúzinde páterge tyıym salyndy.
«Eki kúnnen keıin eGov arqyly aýyrtpalyqtyń joqtyǵy týraly anyqtama aldyq. Páter taza bolyp, bizdiń atymyzǵa tirkeldi. Kóship kirip, jańa úı toıyn ótkizdik. Al 2025 jyldyń kúzinde oǵan tyıym salynǵanyn bildik», — dedi Astana turǵyny Samat Malıkov.
Dál osyndaı máselege tap bolǵan basqa satyp alýshylar da bar. Astana turǵyny Aınagúl Bákirova 2025 jyldyń qańtarynda birden úsh páter satyp alyp, aqshany kompanıa keńsesinde qolma-qol bergenin aıtty. «Aqshany kompanıa ıeleri jeke ózderi qabyldady. Somany sanap, úsh kepil kelisimi men úsh tólem tapsyrmasyn berdi. Sosyn qurylysqa ruqsat, paıdalanýǵa berý aktisin kórsetip, bári zańdy, jóndeý jumystaryn bastaýǵa bolady dep sendirdi», — dep áńgimeledi Bákirova.
Elordalyq ekonomıkalyq tergeý departamentiniń dereginshe, barlyq kelisimder jasalyp, aqsha kompanıa keńsesinde aıyptalýshylardyń qatysýymen berilgen. Tergeý alǵan qarajat fıgýranttardyń shottaryna túsken dep esepteıdi, biraq býhgalterlik jáne banktik qujattarda aqshanyń kimge tıesili ekeni kórsetilmegen. Quqyq qorǵaý organdary osylaısha kompanıa salyq tóleýden jaltarǵan bolýy múmkin dep sanaıdy.
Fıgýranttar senip tapsyrylǵan múlikti ıemdený nemese jymqyrý, asa iri mólsherdegi alaıaqtyq jáne óz betinshe bılik etý boıynsha aıyptalýda. «Sotqa deıingi tergeý aıaqtaldy, aıyptaý aktisi Astana prokýratýrasymen bekitildi. Qylmystyq is máni boıynsha qaraý úshin qylmystyq ister jónindegi aýdanaralyq sotqa jiberildi», — dep habarlady quqyq qorǵaý organdary. Aıyptaý úkimi shyqqan jaǵdaıda sottalýshylar bes jyldan 12 jylǵa deıin bas bostandyǵynan aıyrylýy múmkin.
Sot sondaı-aq tyıym salynǵan páterlerdiń bolashaq taǵdyryn anyqtaıdy. Satyp alýshylar azamattyq is júrgizý aıasynda turǵyn úıge quqyǵyn jeke dáleldeýge májbúr bolady dep qaýiptenedi. Kóptegen zardap shegýshiler úshin bul páterler — olardyń jalǵyz jyljymaıtyn múlki.