Astana – Petropavl tasjolynda bolǵan órtten aman qalǵan er adamnyń jaǵdaıy óte aýyr. Qazir ol Aqkól aýdandyq aýrýhanasynyń jansaqtaý bóliminde em qabyldap jatyr. Bul týraly infohub.kz saıty dalanews.kz-ke silteme jasap habarlady.
Aqmola oblystyq densaýlyq saqtaý basqarmasynyń málimetinshe, naýqastyń denesiniń kóp bóligin kúıik shalǵan. Sondyqtan ony basqa medısınalyq mekemege tasymaldaý ázirge múmkin emes.
«Naýqas jansaqtaý bóliminde óte aýyr jaǵdaıda jatyr. Denesiniń zaqymdaný aýmaǵy úlken bolǵandyqtan, ony tasymaldaýǵa kelmeıdi. Qazirgi ýaqytta naýqasta kúıik shogy baıqalady», — dep habarlady basqarma ókilderi.
Dárigerler zardap shekken azamattyń jaǵdaıyn turaqtandyrý úshin qajetti medısınalyq kómek kórsetip jatyr.