Astanadaǵy qatty jańbyr áleýmettik jelilerge kúlki men shaǵym ǵana emes, jańa keıipkerlerdi de ákeldi. Polıseı qyzǵa sý basqan kósheden ótýge kómektesti, — dep habarlaıdy infohub.kz.
Threads áleýmettik jelisinde elordadaǵy qatty nóser kezinde túsirilgen vıdeo tarady. Kadrlarda polısıa qyzmetkeriniń qyzdy qolyna alyp, jaıaý júrginshiler ótkelin basyp qalǵan úlken shalshyqtan ótkizgeni kórinedi.
Polıseıdiń bul áreketin áleýmettik jeli qoldanýshylary tez baǵalady. Pikirlerde ony naǵyz jentlmen dep atap, kómegi úshin alǵys aıtady. «Men onyń sýda turǵanyna alańdaımyn, aýyryp qalmasa eken», — dep jazdy bir qoldanýshy. «Netken ádemi. Rızashylyq belgisi retinde betinen súıip alsaı ma?» — dep qosty ekinshisi. «Ádemi de áreketteri ádemi», — dep jazady paıdalanýshylar post astynda.
Degenmen, paıdalanýshylardyń bir bóligi polıseıdiń áreketinen góri, ol jumys isteýge májbúr bolǵan jaǵdaılarǵa nazar aýdardy. Pikir bildirýshiler qyzmetkerlerdiń arnaıy jabdyqsyz sýǵa tobyǵynan turýǵa májbúr ekenin aıtty. Basqalary qaıtadan qala bıligin sý basqan kósheler men nóser káriziniń problemalary úshin synǵa aldy.
Buǵan deıin Kursiv LifeStyle basylymy elordanyń qatty nóser men burshaq jaýǵannan keıingi kórinisin kórsetken edi.