Astanada polıseıler bosanǵan áıelge ýaqytyly kómek kórsetip, onyń perzenthanaǵa kedergisiz jetýin qamtamasyz etti, dep habarlaıdy infohub.kz saıty.
Astana qalalyq polısıa departamentiniń Instagram-paraqshasynda «Quıgenjar» beketinde bolǵan oqıǵa týraly aıtyldy. 24 tamyzda tártip saqshylaryna júgingen er adamnyń áıeliniń tolǵaǵy bastalyp, oǵan shuǵyl medısınalyq kómek qajet bolǵan.
«Ár mınýt esepteýli edi. Polıseıler "jasyl dáliz" jasap, jubaılardyń perzenthanaǵa kedergisiz ári barynsha tez jetýine múmkindik berdi. Sondaı-aq tártip saqshylary áıeldi medısına qyzmetkerleriniń qabyldap, qajetti kómek kórsetkenine kóz jetkizdi», — delingen polısıa habarlamasynda.
Sol kúni-aq otbasynda ul bala dúnıege keldi.
«Mundaı jaǵdaıda jubaılardyń perzenthanaǵa múmkindiginshe tezirek ári qaýipsiz jetýi úshin biz qoldan kelgenniń bárin jasadyq», — dedi polıseıler Muratbek Omarbekov pen Asqat Marat.
Keıin jubaıy polısıa qyzmetkerlerine kórsetken kómegi úshin jeke alǵysyn bildirý úshin qaıta oralǵany aıtylady.