Astanada polısıa 32 jastaǵy er adamǵa ruqsat etilmegen jerde salqyndaǵysy kelgeni úshin aıyppul saldy. Tártip saqshylary quqyq buzýshymen áńgime ótkizdi, dep habarlaıdy infohub.kz.
Esil ózenindegi «Jasyl toǵaı-1» aýdanyndaǵy qalalyq dambada salqyndaǵysy kelgen er adamnyń vıdeosy tez arada tanymal bolyp, kóp qaralym jınady. Kadrlarda er adamnyń qalalyq damba mańynda serýendep júrgeni kórinedi.
«+40 ystyqta eń jaqsy kondısıoner tabyldy», — dep jazdy @batyrzhan.zhunusov beınejazbanyń astyna.
Beınejazba tártip saqshylarynyń da nazaryn aýdardy. Astana qalasy Saryarqa aýdany polısıa bóliminiń habarlaýynsha, osy fakti boıynsha 32 jastaǵy elorda turǵyny jalpy sý paıdalaný erejelerin buzǵany úshin ákimshilik jaýapkershilikke tartyldy.
«Quqyq buzýshymen profılaktıkalyq áńgime júrgizildi. Polısıa «Zań jáne tártip» qaǵıdaty aıasynda kez kelgen quqyq buzýshylyqtyń der kezinde joly kesiletinin eskertedi», — dep túsindirdi vedomstvo.