Astana polısıasy esirtkini saqtaý jáne satýǵa kúdikti eki jas er adamnyń áreketin toqtatty. Olar gashısh maıyn daıyndaý úshin bir podezden eki páter jaldap, as úıde manty qazanyn paıdalanǵan. Tintý kezinde 1,5 kılogramnan astam tyıym salynǵan zat alyndy, dep habarlaıdy infohub.kz.
Polısıanyń anyqtaýynsha, 24 jáne 23 jastaǵy Astana turǵyndary bir podezdiń ár qabatynan eki páter jaldap, ınternet-messendjerler arqyly taınık-zakladka ádisimen gashısh maıyn taratqan.
Tintý kezinde eki páterden sary tústi suıyqtyq toltyrylǵan plasık bótelkeler tabyldy. Olardyń quramynda gashısh maıy bar ekeni anyqtaldy. Sondaı-aq elektrondy tarazy, oraý materıaldary jáne esirtki salýǵa arnalǵan ydystar tárkilendi.
Polısıanyń nazaryn páterlerdiń birindegi as úı erekshe aýdardy. Onda manty qazanynyń betinde esirtki qabaty baıqaldy. Tergeý barysynda kúdiktiler bul qazandy gashısh maıyn eritip, ony oraýǵa jeńildetý úshin paıdalanǵany belgili boldy.
Barlyǵy 1,5 kılogramnan astam gashısh maıy men marıhýana tárkilendi. Kúdiktiler ustalyp, ýaqytsha ustaý ızolátoryna jabyldy. Qylmystyq is qozǵaldy.
Polısıa esirtkiniń zańsyz saqtalýy, daıyndalýy jáne satylýy qylmystyq jaýapkershilikke ákeletinin eskertedi. Quqyq qorǵaý organdary azamattardy esirtki aınalymyna qatysty kez kelgen derekti habarlaýǵa shaqyrady.