Astanada 27 qyrkúıekte «Astana Arena» stadıonynyń mańynda jol qozǵalysy sqemasy ózgeredi. Munda Qaırat Nurtastyń konserti ótedi, bastalýy — 19:00-de. Bul týraly infohub.kz saıty habarlaıdy.
Kólik qozǵalysy «Alaý» muz aıdyny jaǵynan Marko Polo kóshesinde, sondaı-aq «Saryarqa» velotregi jaǵynan Mesrop Mashtos kóshesinde ýaqytsha shekteledi.
Konsert qonaqtaryna qolaılylyq jasaý jáne kólik júktemesin azaıtý úshin arnaıy shattl-bastar uıymdastyrylady. Olar saǵat 16:00-den bastap qalanyń tórt turaq aımaǵynan «Astana Arena» stadıonyna qaraı júre bastaıdy. Munda kólikti qaldyryp, stadıonǵa deıin shattl-baspen jalǵastyrýǵa bolady.
«Konsert aıaqtalǵan soń shattl-bastar kórermenderdi sol turaq aımaqtaryna qaıta jetkizedi: Astana sırkiniń janyndaǵy turaq, „Hazret Sultan“ meshitiniń janyndaǵy turaq, Qajymuqan kóshesindegi „Qazaqstan“ sport kesheniniń janyndaǵy turaq, „Nur-Sultan“ meshitiniń (Bas Meshit) janyndaǵy turaq», — delingen habarlamada.
Sondaı-aq kórermender konsert ornyna tez ári qolaıly jetýge múmkindik beretin «Tarlan Astana» jeńil relsti kóligin paıdalana alady.
«Marshrýtty aldyn ala josparlap, keptelister men stadıon mańyndaǵy turaq qıyndyqtarynan aýlaq bolý úshin múmkindiginshe qoǵamdyq kólikti nemese shattl-marshrýttardy paıdalanýǵa keńes beremiz», — dep qosty ákimdikte.