Qazaqstan astanasynda halyqaralyq ıt kórmesi aıasynda qazaqy tazynyń monoporodtyq kórmesi ótti. Onda ulttyq tuqymnyń ıtteri tanystyrylyp, úzdik ókilderi anyqtaldy. Bul týraly Ekologıa jáne tabıǵı resýrstar mınıstrligi habarlady, dep jazady infohub.kz saıty.
Shara barysynda sarapshylar tazylardy tuqym standartyna jáne tuqymdyq qasıetterine saı baǵalady. Vedomstvo qazaqy tazynyń ǵasyrlar boıy qazaq halqynyń tarıhymen baılanysty ekenin jáne jeti qazynaǵa jatatynyn eske saldy.
Mınıstrliktiń dereginshe, Qazaqstanda tuqymdy saqtaý, ósirý jáne ony shetelde nasıhattaý jumystary júrgizilip jatyr. Ol úshin 2026–2036 jyldarǵa arnalǵan keshendi jospar bekitilgen.
Mınıstrlik monoporodtyq kórmeler qazaqy tazynyń tuqymdyq qasıetterin saqtaýǵa, jaýapty ósirýdi damytýǵa jáne ulttyq tuqymdy keń aýdıtorıaǵa tanystyrýǵa kómektesedi dep esepteıdi.
Buǵan deıin «Kýrsıv» 3 qyrkúıekte Qazaqstanda alǵash ret qazaq tazysy men tóbet kúni atalyp ótkenin jazǵan. Sondaı-aq tazynyń tuqymdylyǵy qalaı rastalyp, ıtter qalaı asyl tuqymdyq esepke qoıylatyny da habarlanǵan: 2026 jylǵy 14 tamyzdaǵy jaǵdaı boıynsha elde 4 034 tazy tirkelgen — bul 2023 jylǵy qańtarmen salystyrǵanda eki eseden astam kóp.