Astanadaǵy saýda-oıyn-saýyq ortalyǵynda 19 jastaǵy jigit pyshaqpen júrip, adamdardy úrkitken oqıǵa boldy. Bul týraly infohub.kz saıty habarlaıdy.
Oqıǵa saýda ortalyǵy jabylar aldynda bolǵan. Saýda ortalyǵynyń qyzmetkerleriniń biri áleýmettik jelide jazǵanyndaı, jigit elektrondy temeki satatyn dúńgirshekke kelip, stık talap etken. Bas tartylǵan soń, ol pyshaǵyn alyp, satýshyny qorqyta bastaǵan. Sodan keıin paketti alyp, dúńgirshekti teýip, kórshi dúkenge bet alǵan.
«Ol bizge kirip, pyshaǵyn siltep: "Maǵan stık ber", — dep talap etti. Keıin "Stık bermeseń, óltiremin" dedi», — dep jazdy qyz. Qorqyp ketken qyzmetkerler kúzetshilerdi shaqyrǵan, al jigit qashyp ketken.
Astana polısıa departamentinde bul jaǵdaıǵa túsinikteme berdi. Quqyq qorǵaý organdary butıkterge kirgen pyshaqty er adam týraly habarlama alǵan. Oqıǵa ornyna kelgen polıseıler buzýshynyń jeke basyn anyqtaǵan — ol 19 jastaǵy jigit bolyp shyqqan. Mán-jaıdy anyqtaý úshin ony polısıa basqarmasyna jetkizgen.
«Tekserý barysynda jigittiń pyshaqty úıden alǵany anyqtaldy. Sonymen qatar, onyń densaýlyǵynda problemalar bar. Oǵan jedel járdem shaqyrtylyp, keıin ákesine tapsyryldy», — dep túsindirdi Astana DP-da.