Astananyń ákimshilik sotynda bloger Erbolat Janabylovtyń turmystyq janjal faktisi boıynsha qozǵalǵan isi boıynsha otyrys bastaldy. İs qaraýdyń basynda-aq sottalýshy qoǵam men baspasózdiń qatysýyn shekteýdi surady, dep habarlaıdy infohub.kz saıty.
«Qurmetti sot, meni túsirmeýlerin jáne jýrnalıserdiń qatyspaýyn, isti jabyq ótkizýdi suraımyn. Bul — jeke ómir, olarǵa buny bilýdiń qajeti joq dep oılaımyn», — dedi bloger.
Onyń jubaıy Elmıra Tólegenova da sotqa júginip, olardyń jeke qarym-qatynasyn jabyq esikterdiń artynda qaldyrǵysy keletinin aıtty.
Osy málimdemelerden keıin zalda otyrǵan jýrnalıserden sot zalynan shyǵýdy surady.
Aıta keteıik, Erbolat Janabylovqa qatysty is Qazaqstan Respýblıkasynyń Ákimshilik quqyq buzýshylyq týraly kodeksiniń 73-babynyń 1-bóligi — «Otbasylyq-turmystyq qatynastar salasyndaǵy quqyqqa qarsy áreketter» boıynsha qozǵaldy.
73-baptyń birinshi bóligi otbasylyq-turmystyq qatynastaǵy adamdarǵa qurmetsizdik bildiretin, olardyń tynyshtyǵyn buzatyn, turǵyn úıde jasalǵan, eger bul áreketterde qylmystyq jazalanatyn áreket belgileri bolmasa, bylapyt sóıleý, qorlaıtyn mazalaý, kemsitý, úı múlkin búldirý jáne basqa da áreketterdi qamtıdy. Bul eskertý nemese 20 saǵatqa qoǵamdyq jumystarǵa tartý ne 5 táýlikke ákimshilik qamaýǵa alýǵa ákep soǵady.
Buǵan deıin bloger Elmıra Tólegenova áleýmettik jelilerdegi úndeýinde Erbolat Janabylovpen ajyrasyp jatqanyn aıtqan. Sondaı-aq ol jubaıymen bolǵan jýyrdaǵy janjalǵa qatysty pikir bildirdi — áleýmettik jelilerde onyń garderobqa tyǵylyp, ishinen jabylǵan vıdeosy tarady.
Keıin Erbolat Janabylovtyń jubaıy Elmıra Tólegenovamen turmystyq janjaldan keıin jaýapkershilikke tartylǵany belgili boldy.
Sondaı-aq eske salaıyq, 27 sáýirde blogerlerge qatysty úkim shyǵaryldy. Sýdıa prokýror usynǵan merzimdermen kelisti — blogerler zańsyz kásipkerlik jáne qylmystyq jolmen alynǵan aqshany jáne (nemese) ózge múlikti zańdastyrý (jylystatý) boıynsha kináli dep tanyldy.
Sot sondaı-aq Janabylov pen Tólegenova qylmystyq qarajatqa satyp alǵan iPhone 16 (17 dana) jáne Hyundai Elantra (8 dana) kóligin tárkileýge sheshim qabyldady.