Astana turǵyndary «Zelenyı kvartal» turǵyn úı kesheniniń janyndaǵy sý qoımasynyń lastanǵan beınesin talqylap jatyr. Kadrlarda jaǵalaý syzyǵy qoqysqa, al sý tyǵyz ósimdikter men lastaýshy zattarǵa toly ekeni kórinedi. Jarıalanym avtorlary sý qoımasyna aǵyndy sýlar túsýi múmkin ekenin aıtady, dep habarlaıdy infohub.kz saıty.
Astana ákimdigi «Kýrsıvtiń» saýalyna sý qoımasyndaǵy sońǵy sanıtarlyq tazalaý 3-4 tamyzda júrgizilgenin habarlady. Qala ákimdigi sý qoımasy tiri ekojúıe ekenin, sondyqtan baldyrlar, tunba jáne ósimdik qaldyqtary tabıǵı túrde jınalatynyn túsindirdi. Sonymen qatar, turmystyq qoqyspen lastaný kóbinese kelýshilerdiń nemquraıly qatynasyna baılanysty.
Ákimdik aýmaqty tazalaý turaqty júrgiziletinin atap ótip, turǵyndardy sý qoımasynyń janyna qoqys tastamaýǵa shaqyrdy. Alaıda resmı túsiniktemede áleýmettik jelilerde taraǵan sý qoımasyna aǵyndy sýlardyń túsýi múmkin degen aqparat rastalmaıdy.
Buǵan deıin «Kýrsıv» Qaraǵandy oblysy boıynsha ekologıa departamenti «Qaraǵandy sý» JSHS-in ekologıalyq zańnamany buzǵany úshin qaıtadan ákimshilik jaýapkershilikke tartqanyn jazǵan bolatyn. Kásiporynǵa iri kólemde aıyppul salyndy.