2026 jylǵy 15 qyrkúıekte tańerteń Astanadaǵy Syǵanaq kóshesindegi qozǵalys is júzinde toqtap qaldy: qatty keptelisten keıbir avtobýs jolaýshylary kólikten túsip, jumysqa deıin jaıaý júrdi, dep habarlaıdy infohub.kz saıty.
Jol jaǵdaıy týraly Astanovka 98 pablıginiń qoldanýshylary aıtty. Olardyń dereginshe, keptelis «Jasyl kvartal» aýdanynda paıda bolǵan.
Kýágerlerdiń aıtýynsha, kepteliske Syǵanaqtaǵy apat sebep bolǵan. Sonymen qatar, turǵyndar LRT qurylys jumystaryna baılanysty bul kóshede tańerteńgi jol júrý ýaqyty aıtarlyqtaı uzaryp ketkenin aıtyp shaǵymdandy.
NUR.KZ tilshisi Astana qalalyq polısıa departamentine pikir surap habarlasty. Vedomstvo jol-kólik oqıǵasynyń bolǵanyn rastady.
«Aǵymdaǵy jylǵy 15 qyrkúıekte Syǵanaq jáne Tóle bı kósheleriniń qıylysynda úsh kólik qatysqan jol-kólik oqıǵasy boldy. Oqıǵa ornyna dereý polısıa jasaǵy jiberildi. Kináli júrgizýshige qatysty ákimshilik sharalar qoldanyldy. Jol-kólik oqıǵasy saldarynan zardap shekkender joq», — delingen polısıa habarlamasynda.