Astanadaǵy Jıenqulova kóshesindegi tandyrhanada gaz balonynyń jarylýy saldarynan tórt adam zardap shekti, olardyń arasynda bir bala bar. Bul týraly infohub.kz habarlaıdy.
Naqtylanǵan málimetterge sáıkes, tandyrhanadaǵy oqıǵa saldarynan tórt adam zardap shekken. Olardyń ekeýi №1 qalalyq kópbeıindi aýrýhanaǵa jatqyzyldy, bir naýqas úıge emdelýge shyǵaryldy. Taǵy bir zardap shekken adam №2 qalalyq kópbeıindi balalar aýrýhanasyna jatqyzyldy.
«Barlyq zardap shekkenderge qajetti medısınalyq kómek kórsetilýde», — dep habarlady Astana qalasynyń Densaýlyq saqtaý basqarmasy.
Balon jarylǵannan keıin tóbe jabynynyń bir bóligi men esik oıyǵy qulaǵany belgili boldy.