20-26 shilde aralyǵynda Astanadaǵy Beeline Arena Ulttyq tenıs ortalyǵynyń hard korttarynda eresekter arasynda Qazaqstan Respýblıkasynyń tenısten jazǵy chempıonaty ótti. Jarys qorytyndysy boıynsha jeke jáne juptyq synda elimizdiń úzdik oıynshylary anyqtaldy, dep habarlaıdy Qazaqstan tenıs federasıasynyń (QTF) baspasóz qyzmeti.
Áıelder jeke synynda birinshi oryndy Almatydan kelgen Inkar Dúsebaı ıelendi, ekinshi oryndy Astanalyq Sandýgash Kenjıbaeva, úshinshi oryndy Aqtóbe oblysynan Eva Korysheva aldy. Erler jeke synynda altyndy Aqtaýdan kelgen Danıal Rahmetýllaev jeńip aldy, kúmis – Qyzylorda oblysynan Erasyl Erdılda, qola – Aqtóbe oblysynan Mansýr Saıynov.
Áıelder juptyq synynda Almatydan Asyljan Arystanbekova men Erkejan Arystanbekova jeńiske jetti. Ekinshi oryn Inkar Dúsebaı (Almaty) men Albına Kakenova (Astana) dýetinde, úshinshi oryn – Aııa Nýpbaı (Almaty) men Anastasıa Krymkova (Taraz). Erler juptyq synynda birinshi oryndy Erasyl Bahtıar (Astana) men Erasyl Erdılda (Qyzylorda oblysy) ıelendi, ekinshi – Ilıas Maratýly men Islam Orynbasar (Astana), úshinshi – Tımýr Saýlenko men Arsenı Trebýhın (Almaty).
Týrnır jeńimpazdary úshin basty júldek tek eldegi úzdik ataǵy ǵana emes, sonymen qatar «Qazaqstan Respýblıkasynyń sport sheberi» sporttyq ataǵyn berý quqyǵy bolady.