Astana qalasynda N. Tlendıev dańǵyly boıynsha jol jóndeý jumystaryna baılanysty eki kúnge kólik qozǵalysyna ishinara shekteý engiziledi. Bul týraly infohub.kz saıty habarlaıdy.
Astana ákimdiginiń málimetinshe, 17-18 shilde aralyǵynda Barshyn kóshesinen Kóktal kóshesine deıingi ýchaske jabylady. Shekteý jol tóseminiń ústińgi qabatyn tóseý jumystaryna baılanysty. Avtokólik qozǵalysy joldyń bir jaǵymen uıymdastyrylady.
«Júrgizýshiler men jaıaý júrginshilerden baǵdarlaryn aldyn ala josparlap, qozǵalysty uıymdastyrýdaǵy yqtımal ózgeristerdi eskerýlerin suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady», — dep eskertti ákimdik ókilderi.