Sheteldik trevel-bloger Haggagovic búrkenshik esimimen tanymal tulǵa áleýmettik jelilerde Astanada túsirilgen beınerolık jarıalady. Onda ol polısıa qyzmetkerin qolyna kóterip, onymen birge aınalyp júrgenin kórsetken. Beıneqazaqstandyqtardyń ekiudaı pikirin týdyrdy: kóbisi blogerdiń áreketin orynsyz dep sanasa, endi bireýleri ázil retinde qabyldady. Oqıǵaǵa Astana qalalyq polısıa departamenti jaýap berip, qyzmettik tekserý júrgizilip jatqanyn habarlady, dep jazady infohub.kz saıty.
«Osy fakti boıynsha qyzmettik tekserý júrgizilýde. Onyń qorytyndysy boıynsha qyzmetkerlerdiń áreketine tártiptik sıpattaǵy sharalar qoldanylady», — dedi vedomstvoda.
Blogerdiń saıtyndaǵy málimetke sáıkes, Haggagovic ózin «saıahat koroli», saıahatshy, oqıǵa izdeýshi jáne týrızm sarapshysy retinde tanystyrady, ol «XXI ǵasyrdyń Ibn Battýtasy» retinde keńinen tanymal. Onyń derekteri boıynsha, búgingi tańda ol álemniń 189-dan astam elin aralap, olardy fotosýretter men beıneler arqyly qujattaǵan jáne habardarlyqty arttyrý men beıbitshilikti taratý jolyndaǵy kúsh-jigerin moıyndaı otyryp, kóptegen marapattarǵa ıe bolǵan. Sondaı-aq ol kóptegen álem kóshbasshylarymen kezdesip, osy elderdegi oqýshylar men ýnıversıtet stýdentterine dáris oqyp, beıbitshilik týraly habarlama taratqan.