Astanada 46 jastaǵy er adam «Tulpar» kópirinen sýǵa sekirdi, alaıda qulaǵan soń óz betinshe jaǵaǵa shyǵa aldy, dep habarlaıdy infohub.kz saıty.
NUR.KZ tilshisiniń habarlaýynsha, oqıǵa týraly habarlama «102» arnasyna túsken. Bul týraly elordalyq Polısıa departamenti málimdedi.
«Oqıǵa ornyna dereý polısıa qyzmetkerleri kelip, onyń qaýipsizdigin qamtamasyz etý úshin qajetti sharalardy qoldandy. Sodan keıin er adam mamandandyrylǵan kómek kórsetý úshin medısına qyzmetkerlerine tapsyryldy», — delingen vedomstvo habarlamasynda.
Astana polısıasy kópirden sýǵa sekirýdiń qaýipsiz oıyn-saýyq emes ekenin eske saldy. Tereńdik, aǵyn, sý astyndaǵy kedergiler jáne basqa da jaǵdaılar ómir men densaýlyqqa naqty qaýip tóndirýi múmkin. Syrttaı qaraǵanda bári sátti aıaqtalsa da, mundaı jaǵdaı aýyr zardaptarǵa ákelýi yqtımal. Qaýipsizdik úshin tek arnaıy jabdyqtalǵan jáne shomylýǵa arnalǵan oryndardy tańdaý kerek.
Buǵan deıin Astanada qutqarýshylar Esilden óz betinshe ótpek bolǵan, biraq jaǵaǵa jete almaǵan er adamdy sýdan shyǵarǵany habarlanǵan bolatyn.