Antalá – Astana reısiniń jolaýshysy bortyndaǵy agressıvti minez-qulqy jáne polısıaǵa baǵynbaǵany úshin 10 táýlikke ákimshilik qamaýǵa alyndy, dep habarlaıdy infohub.kz saıty.
Oqıǵa ushý áli aıaqtalmaı jatyp bolǵan: 44 jastaǵy elorda turǵyny masań kúıde agressıvti minez kórsetip, balaǵat sózder aıtyp, basqa jolaýshylarǵa kedergi keltire bastaǵan. Ushaq Astana áýejaıyna qonǵan soń, buzaqyny kólik polısıasy qyzmetkerlerine tapsyrǵan.
Alaıda jerde de jaǵdaı jalǵasty. Polisia.kz İİM medıaportalynyń málimetinshe, er adam polısıa bólmesine jetkizilgen kezde zańdy talaptardy oryndaýdan bas tartyp, baǵynbaǵan. Nátıjesinde polıseıler arnaıy qural – qol kisenin qoldanýǵa májbúr bolǵan.
Tekserý qorytyndysy boıynsha er adam аlkogóldik ishimdikter ishý nemese qoǵamdyq oryndarda masań kúıde júrý faktisi boıynsha jaýapkershilikke tartyldy. Sonymen qatar, usaq buzaqylyq jáne quqyq qorǵaý organy qyzmetkeriniń zańdy ókimine baǵynbaý faktileri boıynsha materıaldar sotqa jiberildi. Sot ony kináli dep tanyp, 10 táýlikke qamaý jazasyn taǵaıyndady.
Kóliktegi polısıa departamenti áýe kemesiniń bortynda tártipti saqtaý – eń aldymen barlyq jolaýshylar men ekıpajdyń qaýipsizdigi máselesi ekenin eske salady.