Astanada Threads áleýmettik jelisindegi rhino.75623163 laqap atymen tirkelgen qoldanýshy elordalyq polısıaǵa erekshe usynys jasady — onymen bás tigýge shaqyrdy, dep habarlaıdy infohub.kz saıty.
«Qurmetti polısıa basqarmasynyń ókilderi, bás tigýdi usynamyn! Eger men bir kún ishinde óz aýdanymnyń aýmaǵynda 20-30 quqyqbuzýshylyqty jeke ózim anyqtasam, onda osy aýdanǵa jaýapty qyzmetkerdi jumystan shyǵarasyzdar nemese sol kúni narádta bolǵan qyzmetkerlerge sógis jarıalaısyzdar. Muny is júzinde dáleldeýge daıynmyn», — delingen jazbada.
Avtor jazbaǵa múgedektigi bar adamdarǵa arnalǵan turaqqa qoıylǵan jeńil kóliktiń sýretin qosa bergen.
Jazba kóptegen pikir týdyrdy. Oǵan Astana qalasy polısıa departamentiniń patrúldik polısıa polkiniń arnaıy batalóny jaýap berdi.
«Ótinishińizdi obektıvti qaraý jáne tıisti sharalar qabyldaý úshin QR «Ákimshilik quqyqbuzýshylyq týraly» kodeksine sáıkes hattamada ákimshilik quqyqbuzýshylyqtyń jasalǵan kúni, ýaqyty, orny avtomatty túrde kórsetiledi. Bul rette kún men ýaqytty qoldan (fotoredaktor arqyly) qoıýǵa jol berilmeıdi. Sonymen qatar, osyndaı faktilerdi anyqtaǵan kezde 102 arnasyna habarlasý nemese kúni men ýaqytyn kórsetip, foto/vıdeo ótinishti mobıldi qosymshaǵa jiberý qajet», — dep jaýap berdi polısıada.