Qazaqstan astanasynda páter urlyǵy ashyldy: keltirilgen shyǵyn 3,5 mln teńgeden asty. Kúdikti ustalyp, urlanǵan áshekeıler ıesine qaıtaryldy, dep habarlaıdy infohub.kz saıty.
NUR.KZ portalynyń Polisia.kz-ke silteme jasap habarlaýynsha, Astanada polıseıler páter urlyǵyn ashty. Saldarynan jábirlenýshige 3,5 mln teńgeden astam materıaldyq shyǵyn kelgen.
İshki ister mınıstrliginiń medıaportalynyń málimetinshe, astanalyq áıel úıden shyqqanda umytshaqtyqtan kireberis esiktiń syrtynda kiltin qaldyryp ketken. Úıine oralǵan áıel páter ishinde beıtanys er adamdy kórip qalady. Ol esikti qaǵyp, bólmeden shyǵýdy talap etti. Sodan keıin esik ashylyp, er adam páterden júgirip shyǵyp, qashyp ketti. Áıel dereý polısıaǵa habarlasty.
Tergeý barysynda páterden zergerlik buıymdar urlanǵany anyqtaldy: brıllıant qondyrylǵan tórt altyn júzik, úsh altyn shynjyr jáne úsh jup altyn syrǵa. Jalpy shyǵyn 3,5 mln teńgeden asty.
Júrgizilgen jedel-izdestirý is-sharalarynyń nátıjesinde polıseıler buǵan deıin osyndaı qylmysy úshin jaýapkershilikke tartylǵan 25 jastaǵy kúdiktini anyqtap, ustady.
Urlanǵan múlik tárkilenip, ıesine qaıtarylǵany atap ótildi. Qazir sotqa deıingi tergeý júrip jatyr, bolǵan oqıǵanyń barlyq mán-jaıy anyqtalýda.