Astanada kámeletke tolmaǵan jasóspirim Bógenbaı batyr dańǵylyndaǵy aıaldama pavılonynyń shynysyn syndyrdy. Oqıǵa beınejazbaǵa túsip, buzaqynyń jeke basyn polısıa qyzmetkerleri anyqtady, dep habarlaıdy infohub.kz saıty.
NUR.KZ agenttigi Polisia.kz-ke silteme jasap habarlaýynsha, jasóspirim aıaldama shynysyn aıaǵymen teýip, sodan keıin oqıǵa ornynan qashyp ketken. Búlingen pavılon jelide taraǵan beınejazbada túsirilgen.
«QR İİM jańalyqtary» Telegram-arnasynda naqtylanǵandaı, polısıa qyzmetkerleri buzaqyny anyqtady. Usaq buzaqylyq úshin ol ákimshilik jaýapkershilikke tartyldy.
«Kámeletke tolmaǵan jasóspirim profılaktıkalyq esepke qoıyldy. Onyń minez-qulqy men jasaǵan quqyq buzýshylyǵy kámeletke tolmaǵandar isteri jónindegi komısıada jeke qaralyp, tıisti profılaktıkalyq yqpal etý sharalary qoldanylady. Jasóspirimniń ata-anasy da ony tárbıeleý jónindegi mindetterin tıisinshe oryndamaǵany úshin ákimshilik jaýapkershilikke tartyldy», — delingen habarlamada.
Polısıada qala múlkine keltirilgen zalal kámeletke tolmaǵannyń zańdy ókilderinen tolyq kólemde óndiriletinin atap ótti.
«Polısıa vandalızm jáne qala múlkin búldirý faktilerine qatań den qoıýdy jalǵastyrýda. Árbir osyndaı faktige quqyqtyq baǵa berilip, kináliler jaýapkershilikke tartylady», — dep qosty vedomstvo.
Buǵan deıin Astanadaǵy Jýrnalıser aleıasynda eki jas jigit músindi jáne jeti qoqys jáshigin búldirgeni habarlanǵan bolatyn.