Qazaqstan Týrızm jáne sport mınıstrligi Astana tóńiregindegi jazǵy demalysqa eń tartymdy oryndardy anyqtady. Tizimge kórikti kanondar, ulttyq parkter jáne tanymal kól kýrorttary endi, dep habarlaıdy infohub.kz saıty.
Seleti ózeniniń kanony Aqmola oblysynyń soltústik-batys bóliginde, attas ózen ańǵarynda ornalasqan. Bul jer sý jaǵasynda demalýǵa, jaıaý serýendeýge, pıknıkterge, fototýrlar men kempıngke óte yńǵaıly. Basty kórikti jerleri – jartasty kanondar men ózenge túsetin panoramalyq kórinister.
Qorǵaljyn qoryǵy Astanadan 130 km jerde, Qorǵaljyn aýdanynda ornalasqan. Munda qustardy baqylaýǵa, ekologıalyq ekskýrsıalarǵa, fototýrlar men jaıaý serýenderge qatysýǵa bolady. Qoryq IýNESKO-nyń Búkilálemdik mura tizimine engen jáne Ortalyq Azıadaǵy qyzǵylt flamıngony baqylaýǵa eń jaqsy oryndardyń biri sanalady.
«Buırataý» memlekettik ulttyq tabıǵı parki Astanadan 170 km jerde, Ereımentaý aýdanynda ornalasqan. Bul Qazaqstandaǵy eń jas parkterdiń biri. Munda serýendeýge, kempıng qurýǵa, fototýrlar jasaýǵa, sondaı-aq jabaıy janýarlar men qustardy baqylaýǵa bolady. Basty kórikti jerleri – kórikti tóbeler men taýlar, kóptegen baqylaý alańdary men tabıǵı marshrýttar.
Aqkól – Astanadan 100 km jerde, Aqkól aýdanyndaǵy tanymal oryn. Kýrortta atqa miný, balyq aýlaý jáne shomylý múmkindigi bar. Ásirese qaraǵaıly ormandar men tabıǵı kórinister tań qaldyrady. Aqkól – astanaǵa eń jaqyn taza aýada demalatyn oryn.
Zerendi – Astanadan 300 km jerde, Zerendi aýdanyndaǵy kýrort. Munda shomylýǵa, qaıyqtar men serfıng taqtalarynda júzýge, pıknıkter jasaýǵa jáne týrısik bazalarda demalýǵa bolady. Qaraǵaıly ormandardy, jaǵajaılardy jáne tabıǵı landshafttardy kórýge turarlyq.