Astanada jyl basynan beri JITI-niń (JITS) 250-ge jýyq jańa jaǵdaıy tirkeldi. Bul derekterdi Astana ákimdiginiń «JITI-niń aldyn alý ortalyǵy» MKMM usyndy, dep habarlaıdy infohub.kz saıty.
Mamandardyń baǵalaýynsha, qalada JITI-men aýyratyn 3,8 myńǵa jýyq adam turady, olardyń tek 87%-y ǵana óz mártebesin biledi.
Aldyn alý jumystary bóliminiń meńgerýshisi Aıjan Jaılaýbaevanyń aıtýynsha, qalada 14 jasqa deıingi balalar arasynda JITI jaǵdaıy tirkelmegen.
«Baǵalaý derekteri boıynsha, Astanada JITI-men 3 800-ge jýyq adam turady. Olardyń 3 311-i, ıaǵnı 87%-y óz mártebesin biledi. Mártebesin biletinderdiń 3 156-sy (shamamen 95%) dınamıkalyq baqylaýda», — dedi ol.
Habarlanǵandaı, erler 62,3%-dy (áıelder — 37,7%) quraıdy. Jynystyq geteroseksýaldyq jolmen juǵý jaǵdaılardyń 77,7%-ynda, jynystyq gomoseksýaldyq — 13%-ynda, parenteraldi — 4,5%-ynda tirkelgen. Taǵy 4,5% jaǵdaıda juǵý joly anyqtalmaǵan.
«Búginde JITI — úkim emes, terapıa arqyly baqylanatyn sozylmaly aýrý. Bizdiń mindetimiz — óz mártebesin áli bilmeıtinderdi anyqtaý. Adam testileýden neǵurlym erte ótip, emdeýdi bastasa, soǵurlym onyń densaýlyǵyna paıdaly jáne jaqyndaryn senimdi qorǵaıdy», — dep atap ótti Jaılaýbaeva.
Eske salaıyq, JITI tek úsh jolmen juǵady: jynystyq, qan arqyly, onyń ishinde zararsyzdandyrylmaǵan ıneksıalyq quraldardy paıdalaný kezinde, jáne anadan balaǵa júktilik, bosaný nemese bala emizý kezinde.
Vırýs qol alysý, qushaqtasý, turmystyq súıisý, ortaq ydys, kıim, baseın nemese jándikterdiń shaǵýy arqyly juqpaıdy.
«Kýrsıv» azamattar men sheteldikterdiń Qazaqstanda JITI-ge emdi qaıdan ala alatynyn jazǵan bolatyn