Astanada eki marshrýttyq avtobýs qatysqan jol-kólik oqıǵasynan keıin ondaǵan adam avtomobıl kópirimen jaıaý júrýge májbúr boldy, dep habarlaıdy infohub.kz saıty.

Oqıǵa beınege túsirilip, Threads áleýmettik jelisinde jarıalandy. gaukhar_akshabayeva degen qoldanýshy birneshe avtobýs turǵan kópirmen nege ondaǵan adam jaıaý júrip jatqanyn jáne sol jerde ne bolǵanyn surady.

Jaǵdaıdy túsindirý úshin NUR.KZ tilshisi elordalyq polısıa departamentiniń baspasóz qyzmetine júgindi.

«10 qyrkúıekte Yutong marshrýttyq avtobýsynyń júrgizýshisi Saraıshyq kóshesimen Qoshqarbaev dańǵyly jaǵynan kele jatyp, «Arhar» kópirinen túserde qaýipsiz búıir aralyqty saqtamaı, oń jaqtan qatarlasyp kele jatqan Iveco marshrýttyq avtobýsymen soqtyǵysty. Jol-kólik oqıǵasy saldarynan Iveco marshrýttyq avtobýsynyń jolaýshysy jedel járdem brıgadasymen medısınalyq mekemege jetkizildi», — dep túsindirdi Astana qalalyq PD-da.

Bul derek boıynsha polısıa qyzmetkerleri tekserý júrgizip jatqany, onyń qorytyndysy boıynsha quqyqtyq baǵa beriletini habarlandy.