Ata - analar jınalysy: Balanyń balabaqshaǵa beıimdelýi.

Maqsaty: Bala tárbıesindegi balabaqsha men otbasy yntymaqtastyǵyn nyǵaıtý. Balalardyń minez - qulqy, beıimi, qyzyǵýshylyǵy, múmkindigin t. b. tereńirek zertteý. Ata - ana, bala, tárbıeshi úshtigi arasynda ózara senim men syılastyq ornaýyna yqpal etý. Bala tárbıesindegi ata - ananyń alatyn ornynyń erekshe ekendigin túsindirý; Otbasy músheliniń arasyndaǵy baýyrmaldyq, qaıyrymdylyq, dostyq qarym - qatynasty qalyptastyrý;
Jospar
1. Kirispe sóz
2. Trenıń: «Kel tanysaıyq!»
3. Balabaqshanyń kún tártibi
4. « Alǵashqy qadam» baǵdarlamasy (slaıd)
5. Balanyń balabaqshaǵa beıimdelýi (baıandama oqý).
6. Ata - ana men balaǵa baılanysty sıtýasıa sheshý.
7. Suraqtarǵa jaýap berý
8. Ata - analar komıtetin saılaý.
9. Suraq - jaýap almasý.
10. Qorytyndy.

Balabaqsha meńgerýshisi Aıgúl Qonyspaıqyzy Nasılovaǵa sóz berý.
Tárbıeshi:
Qurmetti ata - analar! Sizderdi bizdiń balabaqshada kórgenimizge qýanyshtymyz. Jel besikten, jer besikke deıingi adam ómirindegi tárbıeniń uıytqysy ata - ana men balabaqsha. Bolashaq desek te, keleshek dese de bala - urpaq degen maǵynany bildiredi.
Adamnyń ózge tirshilik ıesinen aıyrmashylyǵy – dúnıege perzent ákelgen soń, onyń bolashaǵyn oılaý, adam etip tárbıeleý.
Bala tárbıesi – bir otbasynyń ǵana emes, búkil qoǵamnyń memlekettik abyroıly mindeti. Kezinde Ál Farabı babamyz «Ǵylym emes, eń aldymen tárbıege kóńil bólý kerek, tárbıesiz adamǵa ǵylym baıandy bolmaıdy» - demep pe edi. Osyǵan oraı búkil ata - ana tárbıege bet burýy kerek. Urpaq tárbıesine múddeli ekendigin ata - analar is - júzinde dáleldep otyrýlary tıis. Mine osyndaı yntymaq birliginde ǵana oıdaǵydaı nátıje bereri aqıqat. Olaı bolsa biz sizdermen eń aldymen tanysyp alaıyq.
Trenıń: «Kel tanysaıyq!»
Ata - analar sheńber quryp turady. «Meniń esimim.... men... anasymyn (ákesimin). Óz balasy týraly aıta ketý. Sizdermen tanysqanyma qýanyshtymyn»- dep jumsaq oıynshyqty kórshi turǵan ata - anaǵa berip, ár bir ata - ana ózin tanystyryp shyǵady.

Ata-analar jınalysy: Balanyń balabaqshaǵa beıimdelýi. júkteý