Atyraý oblysy,
Isataı aýdany, H.Naýbetov atyndaǵy
orta mekteptiń bastaýysh synyp muǵalimi.
Sharbaný Nurmasheva Nasyrqyzy

Sabaqtyń taqyryby: Ó dybysy men árpi.
Taqyryby: Ata murasy – balaǵa úlgi.
Maqsaty:
a) Bilimdilik: Atalardan qalǵan ulaǵatty ǵıbrat alarlyq sózderdi balalarǵa uǵyndyrý;
á) Tárbıeliligi: Sol sózderden ónege alýǵa baýlý.
b) Damytýshylyǵy: Oıyn naqty durys jetkizýge, tapqyr sóıleýge, aqyldy, salmaqty oı aıtýǵa úıretý.
Júrisi:
1. Uıymdastyrý.
2. Muǵalimniń kirispe sózi.
3. Oqýshylarǵa kezek bereıik.
1 – júrgizýshi: «Sálem sózdiń anasy» demekshi, armysyzdar aǵaıyn!
2 – júrgizýshi: Qadirmendi kópshilik. Búgingi «Ata murasy – balaǵa úlgi» atty synyp saǵatymyzǵa qosh kelipsizder!
1 – júrgizýshi: Ata - babalarymyzdan bizge jetken kóptegen ulaǵatty ǵıbrat alarlyq, tamasha tálim – tárbıe bererlik ósıet sózder óte kóp.
2 – júrgizýshi: Endeshe, kúndelikti ómirde ata - ájelerimizdiń, ata – analarymyzdyń, «Atalar sózi – aqyldyń kózi» dep aıtyp otyratyn.

Bala:
Ata! Qol bastaý qıyn ba,
Jol bastaý qıyn ba,
Sóz bastaý qıyn ba?
Qart: E, balam!
Qol bastaý qıyn emes,
Kók naızaly eriń bolsa,
Jol bastaý qıyn emes,
Sonyńnan ergen eliń bolsa,
Bárinen de sóz bastaý qıyn.
Taýyp aıtsań, mereke qylady.
Tappaı aıtsań, keleke qylady.
Bala: Durys aıtasyz, durys aıtasyz.

Qart: E, balam!
Taza minsiz asyl sóz,
Oı túbinde jatady.
Taza minsiz asyl tas,
Sý túbinde jatady.
Sý túbinde jatqan tas,
Jel tolqytsa shyǵady.
Oı túbinde jatqan sóz,
Sher tolqytsa shyǵady.

Qart: Sóz týraly ulaǵatty sózder óte kóp
Ádil tóre el bastar,
Batyr jigit jaý bastar.
Aǵa jigit qol bastar,
Sheshen adam sóz bastar.
Qusty jısań, búrkit jı.
Qys tonyńdy túlki eter.
Bir jaqsymen dos bolsań,
Azbas – tozbas múlik eter.
Bir jamanmen dos bolsań,
Búkil alańǵa kúlki eter.

Qart: Iá, balalarym, sóz kezegin túıindeıtin bolsaq
Aqyl – adamdy azdyrmaıtyn em.
Bilim – taýsylmaıtyn ken.
Adamnyń basshysy - aqyl.
Jetekshisi – talap.
Sholǵynshysy – oı.
Joldasy – kásip.
Qorǵany – sabyr.
Qorǵaýshysy – minez bolýy kerek.

1 – júr: Aıdos.
Atalar murasy – halyq qazynasynyń biri dombyra.
2 – júr: Asylzat.
Halyq áni. «Erkem - aı»

1 – júr: Aıdos.
Áı, tákappar, dúnıe!
Maǵan da bir qarashy!
Tanımysyń sen meni,
Men qazaqtyń balasy.

2 – júrgizýshi: Asylzat.
İzetińdi ıne etip
Imanyńdy túıme etip
Inabatty kúıme etip,
Júrshi balam jamandyqty kúıretip, - degendeı biz, ıaǵnı elimizdiń erteńi, babalarymyzdyń murasyn, halqymyzdyń jaqsy dástúrlerin boıymyzǵa sińirip, jalǵastyryp, jamandyqtan aýlaq, jany taza eljandy urpaq bolyp óseıik.

1 – júr: Aıdos.
Bata halyqtyń rýhanı kúsh alatyn qudiretti senim kúshi. Ol el senimin aqtaıtyn abzal azamattarǵa, talanty jastarǵa, kóptiń júgin kótergen, adamdarǵa, jas sábıge, nemese úlkender jaqsy isine rıza bolǵan jaǵdaılarda beriletin uly adamdar men aqsaqaldardyń aq tilegi, ári ómirlik joldamasy.
Batanyń túrleri kóp.
Bala: Ata bata berińizshi!

Qart: Jaqsy aınalaıyn!
Ata sózi daryp mol,
Aq ýyzǵa aryp bol,
Abylaıdaı alyp bol,
Shoqan syndy jaryq bol,
Abaıǵa uqsap mıly bol,
Qurmanǵazydaı kúıshi bol,
Aqandaıyn seri bol,
Qajymuqandaı eri bol,
Sáken syndy suńqar bol,
Baǵyń janyp árdaıym,
Jaqsylarǵa jaqyn bol,
Osy aıtqanym perishte, qulaǵyńa shalynsyn.
Bárinen de qulynym,
Aman bol, qalqam, aman bol!
Áýmın!

1 – oqýshy: Amanǵalı.
Keń dalanyń ejelgi,
Qazaq degen halqymyz.
Ózge ulttaı bizdiń de,
Bar dástúr men saltymyz.

2 – oqýshy: Nazerke.
Ata salty ardaqty,
Árbir sózi salmaqty.
Sol sózderdi uqpasań
Tistersiń bir kún barmaqty.

3 – oqýshy: Murager.
Tilim bar da, qazaǵym bar, halqym bar,
Dástúrim bar, ata joly saltym bar.
Keń daladaı jınalmaǵan shalǵaıy,
Ańqaý ashyq minezim bar ańqyldaq
Jarasyp tur dástúrim!

Qorytyndylaý:
Muǵalim: Keshege kúnsiz keleshek joq. Búgingi jas urpaqty sonaý zamandardan jınaqtalǵan ata – babalarymyzdyń mol murasy men sýsyndatý bizdiń mindetimiz. Uldyń batyr, qyzdyń ádepti bolyp qalyptasýy, babalar murasyna baılanysty. Demek, babalarymyzdyń ónege ósıetin paıdalana otyryp tárbıeleý ulttyq tulǵany qalyptastyrady.