Atyraý – Astrahan trassasynda úsh jyl buryn bolǵan qaıǵyly oqıǵa úsh adamnyń ómirin qıǵan jol apatynyń kinálisine naqty merzim taǵaıyndaldy, dep habarlaıdy infohub.kz oblystyq prokýratýranyń baspasóz qyzmetine silteme jasap.
Jol-kólik oqıǵasy 2023 jylǵy 21 tamyzda boldy. Júrgizýshi jol qozǵalysy erejesin buzyp, saldarynan úsh adam qaza taýyp, taǵy birneshe adam ártúrli dárejede jaraqat aldy.
Qylmystyq is sotqa 2024 jyly jiberildi. Alaıda buryn shyǵarylǵan sot sheshimderi qaıta qaralyp, kúshi joıylyp, istiń qaralýy uzaryp ketti.
2026 jylǵy 23 aqpanda jańa sot qaraýynyń qorytyndysy boıynsha júrgizýshi Qazaqstan Respýblıkasy Qylmystyq kodeksiniń 345-babynyń 4-bóligi boıynsha kináli dep tanyldy. Oǵan kólik quralyn basqarý quqyǵynan jeti jylǵa aıyra otyryp, bes jylǵa bas bostandyǵynan aıyrý jazasy kesildi.
2026 jylǵy 4 maýsymda Atyraý oblystyq sotynyń qylmystyq ister jónindegi sot alqasy úkimdi ózgerissiz qaldyrdy.
Jyl basynan beri oblysta aýyr zardaptarǵa ákep soqqan jol qozǵalysy erejesin óreskel buzý deregi boıynsha 18 adam naqty bas bostandyǵynan aıyrý jazasyna sottaldy.