Qazaqstanda eki óńirde kadrlyq aýysýlarǵa daıyndyq júrip jatyr. Atyraý jáne Ulytaý oblystarynda 17 shildede máslıhat depýtattarynyń jıyny ótedi, onda jańa ákimderdi kelisý máselesi qaralady, dep habarlaıdy Orda.kz.
Alǵashqy bolyp Atyraý oblysynda basshynyń aýysatyny belgili boldy. Oblystyq máslıhat apparaty depýtattardyń jıyny 17 shildede ótetinin habarlady. Qazir bul óńirdi Serik Shapkenov basqarady.
Birneshe saǵattan keıin Ulytaý oblysynda da osyndaı habarlandyrý jarıalandy. Jarıalanǵan habarlama boıynsha, depýtattar jańa ákim kandıdatýrasyn kelisý úshin 17 shildede saǵat 11:00-de Jezqazǵanǵa jınalady. Qatysýshylardy tirkeý saǵat 10:00-de bastalady.
Qazir Ulytaý oblysyn Dastan Ryspekov basqarady. Ol bul qyzmetti 2024 jyldyń qazan aıynan beri atqaryp keledi.
Osylaısha, erteńnen bastap Qazaqstanda eki oblys ákimi birden aýysýy múmkin. Bul laýazymdarǵa kandıdattardyń esimderi ázirge resmı túrde jarıalanǵan joq.