Atyraýda 42 jastaǵy áıeldiń aıaýsyz óltirilýi tergelýde. Onyń denesi páterden úsh jasar qyzynyń qasynan tabyldy, dep habarlaıdy infohub.kz saıty.
Qasiret besinshi qabattaǵy páterde keshke boldy. Qaıtys bolǵan áıeldiń 16 jasar qyzy úıge oralǵanda anasynyń denesin qanǵa boıalǵan kúıde taýyp, qasynda kishkentaı sińlisi uıyqtap jatqan. Úlken qyzy qatty shokta bolyp, anasyna jaqyndaı almady. Kishkentaı qyz aldymen úndemedi, biraq keıin «ákem anamdy pyshaqpen urdy» dep aıtyp, tipti qalaı bolǵanyn kórsetti. Ol polıseılerge: «Ákem anamdy urdy, anam aıqaılady. Men jyladym. Men qatty jylaǵanda, ákem qashyp ketti», — dedi.
Bas kúdikti — qaıtys bolǵan áıeldiń 38 jastaǵy azamattyq kúıeýi, onymen alty jyl birge turǵan. Almagúl Shmırovanyń eki úlken qyzy bólek turady, al eki kishi qyzy anasymen birge turǵan. Áıel kishkentaı dúkeni bolǵan. Týystary áli kúnge deıin bolǵan oqıǵaǵa sene almaı, qylmystyń sebebin túsine almaı otyr. Qaıtys bolǵan áıeldiń anasy Fatıma Shmırova: «Biz fotosýretterdi kórdik. Soqqylar aldyńǵy jaǵynan da, artqy jaǵynan da bolǵan — 28 pyshaq jaraqaty. Ol aıaýsyz pyshaqtaǵan. Arqasynda bir tutas jer joq. Tipti tamaǵyn da kesip tastaǵan. Adamnyń mundaı áreketke qalaı bara alatynyn bilmeımin. Bul — qatygezdik. Ol laıyqty jazasyn alsyn», — dedi.
Týystarynyń aıtýynsha, er adam buryn da janjal shyǵaryp, áıel birneshe ret polısıaǵa shaqyrǵan, biraq buzaqy qaıtyp kelip, bári qaıtalanǵan. Kúdikti tek qylmystan tórt kún ótken soń ustaldy. Atyraý oblysy PD resmı ókili Meıirim Erdáýlet: «Turmystyq janjal kezinde áıeldi óltirdi degen kúdikpen qaıtys bolǵan áıelmen azamattyq nekede bolǵan 38 jastaǵy er adam ustalyp, ýaqytsha ustaý ızolátoryna qamaldy. Osy fakti boıynsha „Kisi óltirý“ baby boıynsha qylmystyq is qozǵaldy», — dep rastady.
Anasyz qalǵan qyzdardy qaıtys bolǵan áıeldiń jaqyndary tárbıege alady.