Qazaqstannyń Qyzyl kitabyna engen sırek gúl alǵash ret Atyraý mańyndaǵy Taskala aýylyna jaqyn Peretaska ózeginde tabyldy. Buryn lotos gúlderi tek Qurmanǵazy aýdanynda ǵana baıqalǵan. Bul týraly Atameken Business habarlaıdy.
Alǵashqy bolyp ósimdikti jergilikti turǵyndar baıqady. «Aqjaıyq» memlekettik tabıǵı rezervatynyń mamandary oqıǵa ornyna baryp, zertteý júrgizdi. Qazir lotostar shaǵyn aýmaqta ósip tur. Ósimdiktiń bul jerge qalaı kelgeni ázirge belgisiz: tuqym Jaıyq ózeniniń aǵysymen keldi me, álde lotosty adamdar ádeıi egip qoıdy ma — bul suraqty áli zertteý kerek. Aýmaqty birneshe jyl boıy baqylaý josparlanyp otyr.
«Tuqym negizinen sý arqyly taralady. Bul — Qyzyl kitapqa engen ádemi ári sırek kezdesetin gúlderdiń biri. Qazirgi tańda lotostyń eń tanymal ósetin jeri — Ganúshkıno aýyly. Qazir bul aýmaq týrısik nysan sanalady. Aldaǵy ýaqytta múmkindik bolsa, Taskala da týrısik orynǵa aınalýy múmkin», — deıdi «Aqjaıyq» memlekettik tabıǵı rezervaty bóliminiń mamany Samal Bagytjanova.